جايز يكون العنوان غريب شوية بس تعالوا معايا وانتم تفهموا قصدى
* بنت تخرج من بيتها راحة الجامعة زى ما تكون راحة فرح بالظبط ....عيب
على فكرة انا مبعملش بعمل حاجة غلط كل البنات بتعمل كدة انا محترمة
* بنت تنادى على صاحبتها وهي فى الشارع بصوت عالى ...عيب
انا مبعملش حاجة غلط بنادى على صاحبتي
* بنت تقف تهزر مع صاحبها فى الجامعة ॥عيب
على فكرة مبعملش غلط دة صاحبى فى الكلية عادى
* يعنى بنت تلابس الحجاب نص نص كدة ضيق لا يمس للحجاب بصلة ॥يا بنتى عيب
على فكرة مبعملش حاجة غلط مش احسن لما ابقى مش محجبة وبعدين دى موضة اة موضة الحجاب بقى كمان بقى موضة يا حلوه
* بنت مش محجبة ॥ يابنتى عيب
على فكرة مبعملش غلط مش احسن لما ابقى محجبة واعمل حاجة غلط لما ربنا يامر هتحجب
* بنت تقف تتكلم بنعومة مع ولد ॥يا بنتى عيب
على فكرة انا مبعملش حاجة غلط دة صاحبى ولازم اتكلم بأدب
* بنت تقف فى كافية تسمع يا عينى اغنية مؤثرة تبدا تغنى والصوت يعلى وممكن تحصل حاجة غير الغنا كمان اصلها اندمجت بقى ॥ يا بنتى عيب
على فكرة انا مبعملش حاجة عادى يعنى اصل بحب الاغنية دى
******** نجى بقى للصورة التانية ..........
* ولد ينزل الجامعة باللبس الغريب إيه ॥ يا بنى البس محترم شوية على فكرة انا مبعملش حاجة غلط وبعدين انا راجل ماحدش يعتب علي
* او وهو ماشى يقابل صاحبة اهلا ياض ازيك يا ابن ــــــــ ॥ يا بنى عيب
على فكرة مبعملش حاجة غلط دة صاحبى وبهزر معاة ما تبقاش معقد كدة
* شوية فلانة معديه ويبدا الكلام بقى والهمز واللمز ॥ يا بنى عيب
على فكرة هى اصلا تستاهل شوفت عاملة اية ولا لابسة اية وانا مبعملش حاجة غلط
* شوية علبة السجاير طلعت تدخن يا باشا ॥ يا بنى عيب كدة
على فكرة انا مبعملش حاجة غلط وبعدين هى مش حرام وكل الناس بتشربها
* شوية الموبايل يرن وطبعا الرنة هشك بشك اكيد دى بنت وبعدها كمان بنت يعنى بتاع خمس ست مكالمات بنات ونفس الحوار يتقال ॥ يا بنى عيب
على فكرة انا مبعملش حاجة غلط همل للى بيتصلو وبعدين انا بتسلى
* شوية يروح يشخط فى ماما وبابا عشان اى حاجة ॥ عيب
يقولك اانا مبعملش غلط هما عالم كدة وبعدين انت مالك هما كانوا من بقيت اهلك
& & اكمل ولا كافية كدة بتهايلى فهمتوا للى انا اقصده !!!
لما كل دة مش غلط امال اية الغلط ؟؟؟
ولما دة انسان محترم يبقى المش المحترم شكلة اية ؟؟؟؟؟؟؟؟
ولما دة يبقى مش غلط امال الغلط يبقى شكلة اية ؟؟؟
** حد عندة اجابة أنا طبعا اسف لو فى بعض كلام يمكن يضايق حد أنا عارف لسانى فالت شوية بس انا متعمقتش اوى يعنى انا جبت ليكم حاجة توضح ليكم انا اقصد اية ويارب يكون قصدى وصل ليكم
منقول
ليست هناك تعليقات:
إرسال تعليق